Arsenali ka konfirmuar zyrtarisht largimin e Leandro Trossard, i cili ka kompletuar transferimin te Besiktasi.
Sulmuesi belg ka nënshkruar një kontratë trevjeçare me gjigantin turk, me mundësi vazhdimi edhe për një vit tjetër.
Klubi londinez bëri të ditur se i kishte dhënë leje 31-vjeçarit të udhëtonte drejt Stambollit për të finalizuar transferimin, ndërsa Besiktasi e ka prezantuar tashmë zyrtarisht futbollistin.
Trossard i jep fund aventurës së tij me Arsenalin pas disa sezoneve, gjatë të cilave ishte një pjesë e rëndësishme e repartit ofensiv të skuadrës londineze.
Me këtë transferim, Besiktasi siguron shërbimet e një lojtari me përvojë të madhe në futbollin evropian, ndërsa Trossard do të nisë një kapitull të ri të karrierës së tij në Superligën e Turqisë./Telegrafi/
