“M’i bëj pak llogaritë kur u bë tremuajshe” – Sara Gjordeni përballet me kritika të ashpra për shtatzëninë e saj

Sara Gjordeni, ish-banorja e njohur e Big Brother VIP Albania, është bërë objekt kritikash në rrjetet sociale lidhur me lajmin e shtatzënisë së saj.

Disa komentues në internet kanë vënë në dyshim të vërtetësinë e lajmit, duke spekuluar mbi datat dhe rrethanat e mundshme të mbetjes shtatzënë.

Situata eskaloi pasi Sara publikoi një fotografi të një komenti në llogarinë e saj në rrjete sociale, ku një përdorues ka shkruar: “M’i bëj pak llogaritë kur u bë tremuajshe. Doli më pesë mars nga BBV, me datën gjashtë mars ngeli shtatzënë direkt.”

Lexo po ashtu "Kur ndahesh nga gruaja, sjell 30 goca kur del në skenë" – Ledri Vula konfirmon ndarjen nga Sara gjatë spektaklit të BBVA?

Komenti sugjeron një mospërputhje të datave të daljes së Sarës nga shtëpia e BBV dhe fillimit të shtatzënisë së saj, duke ngritur menjëherë dyshime mbi mundësinë e një marrëdhënieje brenda shtëpisë.

Ndërhyrjet nuk kanë mbaruar me kaq dhe në të njëjtin koment janë hedhur edhe të tjera dyshime: “Budallaqe të jesh ti që ha gënjeshtrat e Sarës, se po vdes të bëhet si Kiara. Unë se besoj hiç njëherë që është shtatzënë, ajo thjesht do vëmendje” – thuhej në koment.

Sara ka reaguar ndaj këtyre akuzave duke i vënë ndjekësit e saj përpara një realiteti që ajo po përjeton, ndërsa u shpreh: “Ua! Urdhëroni ku jetojmë! Ka marrë laps dhe letër tjetra më bën llogaritë kur kam kryer marrëdhënie me burrin tim. Hajde më mbushni mendjen pastaj që s’jam e rëndësishme.”

Mbrëmjen e kaluar (e shtunë) u mbajt nata finale e Big Brother VIP Albania, ku Egla Ceno u shpall fituese e madhe e edicionit të tretë. /Telegrafi/

Lexo po ashtu Egla Ceno, fituese e Big Brother VIP Albania 3