Janë zhvilluar tri ndeshje në elitën e basketbollit amerikan NBA.

Los Angeles Lakers nuk janë duke pasur formë konstante, pasi kanë pësuar një tjetër humbje ku kësaj radhe janë mposhtur në FedeEx Forum nga Memphis Grizzlies me 13 pikë diferencë 108:95.

Vetëm çerekun e parë mysafirët nga Kalifornia ishin në epërsi, derisa tre çerekët e tjerë i takuan vendasve (25:29, 34:24, 26:25, 23:17).

Jaren Jackson ishte më i miri për vendasit në këtë takim me 25 pikë, pesë kërcime dhe tre topa të vjedhur.

Desmond Bane pati ndeshje tëmadhe me 23 pikë, tre kërcime, tre asistime dhe dy topa të vjedhur.

Tek skuadra mysafire më efikasi ishte Anthony Davis me 22 pikë, derisa LeBron James arriti ‘Triple-Double’ me 20 pikë, 10 kërcime e 11 asistime, por që nuk mjaftuan për fitore.

Ndeshje shumë interesante është zhvilluar edhe në Wells Fargo Center të Philadelphias ku 76ers u mposhtën me rezultat të thellë nga Utah Jazz 96:118.

Donovan Mitchell ishte më meritori për fitoren e Jazz me 22 pikë e gjashtë asistime. /Telegrafi/

Rezultatet:

Philadelphia 76ers – Utah Jazz 96:118

Memphis Grizzlies – LA Lakers 108:95

San Antonio Spurs – Denver Nuggets 123:111