Megan Fox ka treguar se si i shmanget verës së kuqe – por i pëlqen një pikë gjak nga i fejuari i saj.

Aktorja e “Transformers” thotë se reperi Machine Gun Kelly gjithashtu kënaqet duke marrë mostrat e saj në rituale të çuditshme të ngjashme me vampirët, teksa pranon se ata konsumojnë gjakun e njëri-tjetrit për qëllime rituale.

35-vjeçarja u shfaq në numrin e fundit të revistës “Glamour UK”, dhe shpjegoi procesin për mediat të martën (26 prill) pasi bëri zbulimin fillestar në janar, ndërsa njoftoi fejesën e saj me reperin dhe aktorin 32-vjeçar.

“Pra, mendoj se pirja e gjakut të njëri-tjetrit mund të mashtrojë njerëzit ose njerëzit po na imagjinojnë me gota dhe ne jemi si ‘Game of Thrones’, duke pirë gjakun e njëri-tjetrit”, tha aktorja e “Big Gold Brick” për “Glamour UK”.

“Janë vetëm disa pika, por po, ne konsumojmë gjakun e njëri-tjetrit me raste vetëm për qëllime rituale”, u shpreh ylli i filmit, shkruan DailyMail.

Fox në fillim të këtij viti tha në Instagram se ajo dhe i partnerit i saj ‘pinë gjakun e njëri-tjetrit’ për të shënuar fejesën e tyre.

“Pra është si të themi le të derdhim disa pika gjak dhe secili ta pimë atë. Ai është shumë më i rastësishëm, i etshëm dhe kaotik, ku është i gatshëm të hapë gjoksin e tij me xham të thyer dhe të thotë: Më merr shpirtin”,  ka deklaruar aktorja.

Kur u pyet nëse MGK, emri i vërtetë i të cilit është Colson Baker, kishte prerë gjoksin e tij, Fox sqaroi: “Nuk ndodh. Më lejoni t’ju them. Ndoshta jo tamam kështu, por një version i kësaj ka ndodhur shumë herë”.

Fox tutje shkoi në detaje rreth shumëllojshmërisë së praktikave që ajo eksploron.

“Unë lexoj letra tarot dhe jam në astrologji dhe po bëj të gjitha këto praktika dhe meditime metafizike. Dhe unë bëj rituale në hënën e re dhe hënën e plotë, dhe të gjitha këto gjëra. Dhe kështu, kur e bëj, është një pasazh ose përdoret për një arsye”, tha Fox.

Fox fillimisht përmendi procesin e konsumimit të gjakut në shpalljen e saj të fejesës në fillim të këtij viti.

“Ashtu si në çdo jetë para kësaj dhe si në çdo jetë që do ta pasojë, unë thashë po … dhe më pas pimë gjakun e njëri-tjetrit”, tha ajo në atë kohë.

Çifti tashmë i fejuar mund të ketë filluar lidhjen vetëm në maj të 2020-ës, por Megan beson se ajo ka manifestuar bashkëshortin e saj të ardhshëm që kur ishte katër vjeç.

“Sepse ai është fjalë për fjalë lloji im për nga ana fizike që e kam manifestuar që kur isha katër vjeçe. Edhe unë jam katër vjet më e madh se ai”, shpjegoi ajo.

Publikohet traileri i filmit ku luajnë Megan Fox dhe Machine Gun Kelly, fansat shprehen të zhgënjyer Publikohet traileri i filmit ku luajnë Megan Fox dhe Machine Gun Kelly, fansat shprehen të zhgënjyer

“Pra, mendoj se e bëra atë. Mendimet dhe synimet e mia e bënë atë personin që është, kush e di se si do të dukej apo do të ishte sikur të mos isha unë”, tha tutje ajo.

Megan ka tre fëmijë me ish-bashkëshortin e saj Brian Austin Green, me të cilin ishte e martuar mes viteve 2010 dhe 2021. Ajo u fejua me muzikantin Machine Gun Kelly në janar të këtij viti. /Telegrafi/