Mbappe e kërkoi me ngulm kalimin te Real Madridi – por ishte një person që i tha Al Khealifit mos ta shesë francezin

Kylian Mbappe e kërkoi me ngulm kalimin te Real Madridi në afatin kalimtar veror, mirëpo Paris Saint-Germain nuk e pranoi asnjë ofertë nga spanjollët.

Sulmuesi 22-vjeçar do të mbetet edhe për një edicion te PSG, e që kontrata e tij përfundon në verën e vitit të ardhshëm.

Bëhet e ditur nga mediat në Francë se për ta bllokuar vendimin e fituesit të Kupës së Botës që të kalojë te Los Blancos, ishte një person me shumë ndikim te parisienët.

Lexo po ashtu Ditë më parë diskutohej se cilin numër do ta merrte Mbappe - Pique tallet me dështimin e Realit për transferimin e francezit

Kjo ndalesë bëhet e ditur se është bërë nga Hamad Al –Tani, pjesëtarë i familjes mbretërore nga Katari.

Sipas mediave franceze, Bordi Drejtues i PSG-së ishte në dyshim se a duhet të pranohet oferta nxitëse e Real Madridit.

Lexo po ashtu E fshiu videon, por pothuajse të gjithë e panë - Mbappe ngacmoi tifozët e Real Madridit në Instagram me transferimin e tij që nuk u realizua

Disa anëtarë të Bordit Drejtues të prirë nga Nasser Al Khealifi, ishin të mendimit që sulmuesi Mbape të largohet këtë verë dhe skuadra franceze të arkëtojë 200 milionë euro, se sa të humbasin verën e ardhshme, pa asnjë kompensim.

Mirëpo në fund, vendimi ka ardhur nga emiri i Katarit, i cili ka dëshirë që këtë sezon të “shijojë” magjinë e treshes sulmues – Mbape, Neymar dhe Messi. /Telegrafi/