Martesa e fshehtë e Gareth Bale, e ruajnë ish-agjentë të SAS-it dhe nuk ftohen familjarët problematikë të bashkëshortes

Gareth Bale është martuar në një ceremoni të fshehtë me partneren e tij prej kohësh, Emma Rhys-Jones, ndërkohë që familjarët e nuses nuk ishin në listën e të ftuarve.

Vetëm 60 njerëz, familjarë dhe miq të ngushtë, ishin të ftuar në martesën e futbollistit të famshëm uellsian.

Në ditën e rëndësishme të çiftit të popullarizuar ishin angazhuar ish-agjentë të SAS-it (forcat speciale) për sigurinë në një hotel në Majorca, kjo për shkak të armiqësisë së familjes së saj lidhur me shpërndarësit e drogës.

Lexo po ashtu Të gjitha lajmet nga Emma Rhys-Jones

Babai i 27-vjeçares, Martin, nuk ishte ftuar në dasmë. Po ashtu, në listën e të ftuarve kanë munguar edhe gjyshërit e saj, John dhe Eva McMurray, të cilët janë ankuar që nuk u ftuan.

Bale dhe Emma është dashur të martoheshin në një ceremoni luksoze në Itali, ku Beyonce ishte caktuar si këngëtare në dasmën e tyre, mirëpo për shkak të problemeve në familjen e partneres së tij, gjithçka ishte ndryshuar.

Anëtarët e familjes së Emma Rhys-Jones ishin bërë shënjestër e sulmeve të një bande droge, pasi para tre vitesh ishin përfshirë në zhdukjen e një çante që përmbante para, kokainë dhe orë të shtrenjta – në vlerë prej afro një milion funtesh. /Telegrafi/