Man City konfirmon lëndimin e Sane, por nuk tregon kohën e kthimit

Manchester City ka konfirmuar se sulmuesi anësor, Leroy Sane, ka dëmtuar ligamentin e kyçit gjatë fitores së Kupës FA në Cardiff.

Skuadra e drejtuar nga Pep Guardiola ka fituar ndaj Cardiff Cityt me rezultat 2-0 në udhëtim në ndeshjen e vlefshme për 1/16-tën e Kupës FA.

Megjithatë, jo gjithçka shkoi mirë për Qytetarët, pasi aty gjeti një lëndim jo të lehtë njëri nga yjet e skuadrës, Sane.

Lexo po ashtu City triumfon ndaj Cardiffit, vazhdon tutje në FA Cup

Reprezentuesi i Gjermanisë u zëvendësua pas gjysmës së parë të ndeshjes pas një ndërhyrje të ashpër nga lojtari i Cardiffit, Joe Bennett.

Sane ka kaluar skanimet që konfirmojnë se 22-vjeçari do të jetë jashtë fushave për një kohë të caktuar – megjithëse nuk ka një afat kohor për kthimin e tij.

Gjermani ka qenë njëri nga lojtarët kryesor të Cityt këtë sezon pasi ka shënuar 11 gola dhe ka prodhuar 14 asistime në të gjitha garat.

Të gjithë në City dëshirojnë që ai të shërohet sa më shpejtë dhe do të mbajnë të përditësuar faqen e tyre për shërimin e tij. /Telegrafi/

Cardiff City’s Joe Bennett stopping Leroy Sane finish off a Man City counterattack #WellInSon #CARMCI #CCFC #MCFC pic.twitter.com/AhjNOpaxEZ

— Top Tackles (@TopTackles) January 28, 2018