272:"Ukraine's Yelyzaveta Lytvynenko and Kosovo's Loriana Kuka (Blue) compete in the judo women's -78kg round of 16 bout of the Paris 2024 Olympic Games at the Champ-de-Mars Arena, in Paris on August 1, 2024. (Photo by Jack GUEZ / AFP) (Photo by JACK GUEZ/AFP via Getty Images) 20:"AFP via Getty Images
Xhudistja nga Kosova, Loriana Kuka ka humbur në ndeshjen e dytë në Lojërat Olimpike “Paris 2024”, duke u eliminuar nga garat.
Loriana i ka nisur pozitivisht garat në Paris, duke fituar ndeshjen e parë, por ishte e pafat duke humbur të dytën.
Pejania në raundin e 1/8-tës u ndesh me ukrainasen Yelyzaveta Lytvynenko, e cila fitoi me ‘waza-ari’ në kategorinë deri në 78 kilogramë.
Kështu, pas kësaj humbje, Loriana eliminohet nga garat, ndërsa ukrainasja në çerekfinale do të ndeshet me italianen Alice Bellandi, e cila mposhti brazilianen Mayra Aguiar.
Vlen të theksohet se në ‘Paris 2024’, Distria Krasniqi ka fituar medaljen e argjendtë, ndërsa Laura Fazliu të bronztën. /Telegrafi/
