Një rinovim i kontratës për Matthijs de Ligt nuk garanton të ardhmen e tij te Juventusi pasi Liverpooli dhe Chelsea mbeten të interesuar për një transferim.

Mbrojtësi holandez 22-vjeçar ka në tavolinë një ofertë për rinovimin e kontratës, një zgjatje edhe për dy vite me të njëjtën pagë që merr aktualisht.

Synimi i Juventusit është të ulë kuotën e amortizimit në buxhetin e tyre dhe mundësisht të ulë edhe klauzolën e lirimit prej 125 milionë eurosh.

Zbulohen pagat e futbollistëve më të paguar në ‘top 5’ ligat evropiane – Neymar ‘mbret’ i Ligue 1, Bale në La Liga dhe Ronaldo në Ligën Premier Zbulohen pagat e futbollistëve më të paguar në ‘top 5’ ligat evropiane – Neymar ‘mbret’ i Ligue 1, Bale në La Liga dhe Ronaldo në Ligën Premier

Sipas Calciomercato.com, edhe nëse De Ligt e vë në letër rinovimin e kontratës, nuk ka asnjë garanci se ai do të qëndrojë me Juventusin.

Dy klubet e mëdha angleze, Liverpooli dhe Chelsea janë të prirur për të nënshkruar me të, duke ushtruar presion mbi Bianconerët.

Për momentin, De Ligt është i lumtur në Torino dhe nuk po kërkon një largim, por kjo mund të ndryshojë në varësi të seriozitetit të interesit që vjen nga Liga Premier.

22-vjeçari De Ligt ka shënuar tre gola, ka dhënë një asistim dhe ka ndihmuar skuadrën të mbajë 11 herë portën e paprekur në 30 paraqitje në Serie A këtë sezon. /Telegrafi/