Lenjani po shkëlqen, përsëri në formacionin e javës në Zvicër

Ermir Lenjani ka vazhduar me formën e tij të mrekullueshme në kampionatin zviceran.

Mbrojtësi shqiptar ka shkëlqyer në fitoren e thellë të Sionit 7-2 ndaj Thunit.

Lenjani ka arritur të shënoj golin e katërt për skuadrën e tij ndaj Thunit në minutën e 47′.

Goli i Lenjanit ishte padyshim më i miri i javës në kampionatin zviceran pasi gjilanasi goditi nga një pozitë tejet e vështirë.

Përpos golit të shënuar, Ermiri asistoi edhe në dy golat tjerë të skuadrës së tij duke qenë futbollisti i ndeshjes.

Kjo ka bërë që ai të zë vend edhe në formacionin më të mirë të javës në kampionatin zviceran.

E përditshmja zvicerane ‘Blick’, ka bërë formacionin më të mirë të javës ku Lenjani ishte pjesë e tij.

Pas fitores së thellë ndaj Thunit, Sion i ka ikur pozitës së fundit në tabelë duke kaluar një më lart me 24 pikë të tubuara.

Në javën e ardhshme Sion do të ketë një përballje të vështirë me Baselin.

Formacioni i javës:

Omlin, Knezevic, Nef, LENJANI, Carlitos, Sulejmani, Sow, Rohner, Schurpf, Cunha, Itten. /Telegrafi/