“Kur e bëni këtë, ju vrisni portierin tuaj”, Cannavaro fajëson Amir Rrahmanin për golin e Barcelonës

Legjenda e Napolit, Fabio Cannavaro ka fajësuar plotësisht mbrojtësin e Kosovës, Amir Rrahmani, për golin e Barcelonës të shënuar në mbrëmjen e së mërkurës në barazimin 1-1 në ndeshjen e parë të 1/8-tës në Ligën e Kampionëve.

Fituesi i Topit të Artë dhe legjenda italiane ishte një nga ekspertët e fushës në Stadio Diego Armando Maradona për Amazon Prime Video Italia.

Ai dha verdiktin e tij për rezultatin 1-1, ku Victor Osimhen rrëmbeu një barazim të çmuar, por mbi të gjitha ishte shumë kritik ndaj mbrojtjes në golin e Robert Lewandowski.

“Nëse një mbrojtës e lë topin të kalojë nëpër këmbët e tij, siç bëri Rrahmani në fillim dhe Di Lorenzo më vonë, ju po vrisni efektivisht portierin tuaj”, ka thënë fillimisht Cannavaro.

“Rregulli numër një për një mbrojtës është të mos lejosh kurrë që ai top të kalojë nëpër këmbët e tua. Detyra juaj parësore është të ndaloni topin të kalojë”.

“Pastaj Lewandowski bën shumë mirë, por në fund të fundit ky ishte i vetmi vend nga ai mund të shënonte”, përfundoi italiani.

Ndeshja e kthimit do të luhet në Barcelonë më 12 mars, por jo në Camp Nou pasi po i nënshtrohet rinovimit, kështu që do të luhet në Estadi Olimpic Lluis Companys. /Telegrafi/