Koha kur Driton Kuka rrihte medalistët olimpikë (Video)

Driton Kuka tashmë i takon elitës botërore të xhudos. Ai e ka shndërruar Kosovën në forcë evropiane të xhudos. Nxënësi e Kukës kanë tituj botërorë e evropianë.

Majlinda Kelmendi i ka dy tituj të botës e një të Evropës për seniorë, ndërsa tituj të botës për të rinjtë kanë edhe Distria Krasniqi e Akil Gjakova.

Nora Gjakova ka fituar medaljen e vetme të Kosovës në Lojërat Evropiane.

Me medaljen olimpike që synon ta fitojë këtë verë, Kuka do të kompletohet si trajner.

Por i kompletuar vlerësohej edhe si xhudist. Vetëm shpërbërja e ish-shtetit federativ dhe izolimi i sportit kosovar bëri që Kuka si xhudist të mos fitoi titujt më të mëdhenj.

Vlerësohej shpresë e madhe e xhudos.

Koha.net ka siguruar një incizim të rrallë të një lufte të Driton Kukës.

Në incizim (me kimono të kaltra), Kuka fiton bindshëm ndaj izraelitit Oren Smadja. Smadja ka medalje të bronztë olimpike dhe medalje të argjendtë botërore. Tani është edhe trajner i suksesshëm. Këtë fitore, Kuka e arriti në Kampionatin Evropian për juniorë që në vitin 1989 u mbajt në Athinë.