Klubi saudit gati të bëjë ofertën marramendëse për Leaon

Klubi nga Superliga e Arabisë Saudite, Al Hilal thuhet se është gati të ofrojë të paktën 100 milionë euro për yllin e Milanit, Rafael Leao.

Sipas gazetës portugeze O Jogo, trajneri i Al Hilal, Jorge Jesus dëshiron të ribashkohet me bashkëkombësin e tij Leao, në mënyrë që klubi saudit të jetë gati të bëjë një ofertë zyrtare prej mbi 100 milionë euro.

Kontrata e Leaos me kuqezinjtë përfshin një klauzolë prej 175 milionë euro, dhe sipas raportit, Al Hilal nuk po mendon ta paguajë atë. Megjithatë, oferta hapëse për kuqezinjtë me siguri do të kalojë 100 milionë euro.

Transferência bombástica à vista: Al Hilal vai avançar por Rafael Leão https://t.co/UKb65rrrWK pic.twitter.com/slHUkpT52d

— O Jogo (@ojogo) May 23, 2024

Gazeta O Jogo pret që Al Hilal të dërgojë një ofertë zyrtare deri në fundjavë dhe babai i Leaos, Antonio, është ngarkuar të negociojë me klubin saudit.

Sipas raportit, në bisedime do të përfshihet edhe ndërmjetësi portugez, Mario Rui, i cili është i lidhur me Familjen Mbretërore dhe ka ‘fuqi në treg’ në Superligën e Arabisë Saudite.

Rui tashmë ka kontribuar në transferimin e Neymar Jr dhe Otavio në Arabinë Saudite verën e kaluar. /Telegrafi/