Jurgen Klopp i ka thurur lavde strategut italian, Carlo Ancelotti, i cili aktualisht drejton klubin e Evertonit në Angli.

Trajneri i Liverpoolit dhe skuadra e tij e eliminuan rivalin lokal të dielën mbrëma nga Kupa FA me një gol të talentit Curtis Jones, ndërsa strategu gjerman e ka lëvduar homologun e tij te skuadra kundërshtare.

Të rinjtë e Liverpoolit mposhtin Evertonin, Reds kalojnë tutje në Kupën FA Të rinjtë e Liverpoolit mposhtin Evertonin, Reds kalojnë tutje në Kupën FA

“Carlo Ancelotti është një prej njerëzve më të mençur që kam takuar. Dhe ai nuk do ta merrte punën (si trajner i Evertonit) po të mos kishte skuadër të mirë”.

Jurgen Klopp (Foto: Clive Brunskill/Getty Images/Guliver)

“Gjithmonë kemi qenë të bindur se skuadra e Evertonit është e mirë – shumë, shumë e mirë. Ata kanë investuar shumë në tregun e transferimeve dhe kanë sjellë lojtarë shumë të mirë”.

“Carlo është dikush që mund ta ngrejë ekipin që në çastin kur hyn në zhveshtore. Kur dëgjova (për angazhimin e Ancelottit) thashë më vete: ‘Është kombinimi i duhur’”, citon AS fjalët e Klopp. /Telegrafi/