Katër yjet e Man Utd që mund të shiten gjatë verës, për të mundësuar blerjen e lojtarëve të rinj

Manchester Unitedi thuhet se mund të largojë katër lojtarë këtë verë si pjesë e një qasjeje ‘shit për të blerë’, ndërsa pas tyre të fillojë transferimet e reja.

Skuadra e Erik ten Hag aktualisht është në formë të shkëlqyer, pasi ka fituar secilën nga tetë ndeshjet e fundit në të gjitha garat përpara derbit lokal të së shtunës kundër Manchester Cityt.

Ata aktualisht zënë pozitën e katërt në Ligën Premier dhe një rezultat pozitiv kundër Cityt do të vuloste përparimin e ekipit që kur holandezi mori drejtimin pas përfundimit të sezonit 2021/22.

Megjithatë, Unitedi do të duhet të arrijë sukses këtë sezon kryesisht me grupin e tyre aktual të lojtarëve, me fondet e transferimit për afatin dimëror që besohet të jenë të ulëta.

Ata kanë rënë dakord për një marrëveshje huazimi me sulmuesin holandez Wout Weghorst nga Burnley deri në fund të sezonit dhe do t’i paguajnë klubit të tij aktual të huazimit Besiktas një tarifë kompensimi prej 2.5 milionë funtesh,

Duke parë verën, Ten Hag me siguri do të shpresojë të ketë më shumë burime financiare në dispozicion për të ndihmuar në shtyrjen e Unitedit në nivelin tjetër. Por, ai mund të duhet të largoj disa lojtarë në fillim.

Unitedi mund të shesë katër lojtarë gjatë verës

Sipas The Telegraph, skuadra e Ten Hag duhet të kualifikohet në Ligën e Kampionëve për të shpenzuar shumë këtë verë për shkak të rregullave të reja të UEFA-s për Qëndrueshmërinë Financiare, së bashku me tarifat mbi 300 milionë funte që United tashmë i detyrohet për transferimet e mëparshme.

I njëjti raport thotë gjithashtu se menaxheri do të duhet të marrë një vendim për lojtarët që mund të largohen nga Old Trafford, duke përmendur emra si Harry Maguire, Fred, Aaron Wan-Bissaka dhe Donny van de Beek.

United ka gjithashtu një numër lojtarësh të cilëve u skadon kontrata gjatë verës, duke përfshirë David de Gea, Axel Tuanzebe dhe Phil Jones. Klubi raportohet se është në bisedime me spanjollin për një marrëveshje të re, ndërsa Tuanzebe dhe Jones nuk kanë qenë pjesë e skuadrës që nga emërimi i Ten Hag për shkak të një përzierjeje të lëndimeve, në rastin e Tuanzebe, dhe mos-zgjedhjes së Jones.

Por, duket se shitja e lojtarëve, së bashku me një përfundim në top katër, do të jetë jetike për të siguruar që holandezi mund të forcojë skuadrën e tij në mënyrën që dëshiron të bëjë përpara sezonit të ardhshëm. /Telegrafi/