Mesfushori i Leeds United, Kalvin Phillips ka bërë shumë klube të mëdha për vete dhe largimi i tij nga Liga Premier duket se është vetëm çështje kohe.

Phillips ka shkëlqyer viteve të fundit me Leedsin në Ligën Premier, teksa është bërë edhe titullar te kombëtarja e Anglisë.

Paraqitjet e tij të mira dhe mosha jo edhe aq e vjetër ka bërë që Phillips të bëhet objektiv i shumë klubeve të mëdha evropiane.

Të gjitha lajmet rreth Kalvin Phillips Të gjitha lajmet rreth Kalvin Phillips

Sipas mediumit El Nacional, Paris Saint-Germain, Bayern Munich, Real Madrid dhe Liverpool janë të gjithë të interesuar për nënshkrimin e Phillips këtë verë.

Megjithatë, Leeds United thuhet do të preferonte ta shesë mesfushorin anglez jashtë vendit dhe jo në Ligën Premier.

Çmimi i lojtarit vlerësohet të jetë rreth 40 milionë euro. /Telegrafi/