“Kam pasur shumë oferta dhe mundësi” – Nistelrooy flet pasi zgjodhi Leicesterin

Trajneri i ri i Leicester City, Ruud van Nistelrooy, thotë se ai ishte “i habitur” nga interesi për të pas periudhës së tij të shkurtër si trajner i Manchester United.

Ish-sulmuesi holandez zëvendësoi Steve Cooper të premten me një marrëveshje deri në vitin 2027 , por tha se mund të kishte shkuar edhe diku tjetër.

Ai ishte në krye për katër ndeshje në “Old Trafford”, pas shkarkimit të Erik ten Hag, përpara se të largohej kur Ruben Amorim u emërua.

“I’m proud to be able to get the opportunity” – Ruud van Nistelrooy 💙

— Leicester City (@LCFC) December 2, 2024

Leicester lëvizi shpejt për ta sjellë 48-vjeçarin në King Power Stadium dhe Van Nistelrooy konfirmoi se kishte opsione.

“Më duhet të them se kam pasur oferta dhe mundësi. Është mirë t’i kesh ato dhe të shikosh se ku do të punosh”.

“Ajo që ndodhi pas ndeshjeve dhe sasia e interesit, opsionet që papritmas ishin aty për mua dhe opsionet që erdhën, u habita pak”.

Lexo po ashtu Zyrtare: Ruud Van Nistelrooy merr drejtimin e Leicester Cityt

“Ishte një ndjenjë e mirë dhe në fund të dyja palët e ndjenë. Kjo ishte një arsye e mirë për të filluar punën së bashku”, deklaroi holandezi.

Van Nistelrooy ishte në krye të PSV Eindhoven në sezonin 2022-2023, duke fituar Kupën e Holandës dhe duke përfunduar i dyti në Eredivisie. /Telegrafi/