Juventusi është takuar me agjentin Mino Raiola sot (e diel), për të diskutuar një rinovim për talentin Moise Kean, por edhe Paul Pogba dhe Matthijs de Ligt.

Agjenti i njohur ka një marrëdhënie të mirë me Bianconerët, pasi ai përfaqësoi nënkryetarin Pavel Nedved gjatë ditëve të tij si lojtar.

Sipas mediumit italian Sky Italia, drejtorët e Juventusit u takuan sot me Raiolan, me temën kryesore të diskutimit për një rinovim për sulmuesin e ri Kean.

Juventusi do të takohet me përfaqësuesit e De Ligt Juventusi do të takohet me përfaqësuesit e De Ligt

Besohet se ka pasur hapa përpara për t’u lidhur me italianin dhe ka pasur edhe diskutime për të ardhmen e lojtarëve të tjerë të akademisë.

Aty përfshihet edhe brazilian Lucas Rosa, i cili është i gatshëm të nënshkruajë kontratën e tij të parë profesionale.

Palët diskutuan gjithashtu edhe për mbrojtësin e talentuar holandez De Ligt, i cili mori sot çmimin ‘Djaloshi i Artë’, por sipas Tuttosport, Barcelona duket se është në avantazh për ta nënshkruar atë.

Juventusi ofron para dhe Alex Sandron për Pogban Juventusi ofron para dhe Alex Sandron për Pogban

Pogba ishte gjithashtu në agjendën e palëve, edhe pse ka shumë pak gjasa që Manchester Unitedi ta shesë atë në janar.

E ardhmja e francezit është e lidhur me atë të menaxherit të Unitedit Jose Mourinho, pasi nëse portugezi lë Old Traffordin atëherë Pogba ka të ngjarë të qëndrojë. /Telegrafi/