Juventusi interesohet për Eriksenin, Tottenhami dëshiron ta blindojë

Skuadra e madhe italiane, Juventusi është rreshtuar pas yllit të Tottenham Hotspurit, danezit Christian Eriksen.

Skuadra angleze, Tottenhami është nervoze me interesimin e fundit të Juventusit për yllin e tyre danez, Eriksen.

Sipas tabloidit britanik Daily Mail, kjo ka bërë që Spursat të duan të lidhin Eriksenin me një marrëveshje të re dhe me kushte të përmirësuara.

Lexo po ashtu Ndeshjet play-off për Kampionat Botëror, formacioni me yjet që mund të mbesin jashtë garës më të madhe në botë (Foto)

Eriksen, i cili ka shënuar gjashtë gola dhe ka ndihmuar me gjashtë asistime në Ligën Premier këtë sezon, i ka të mbetura vetëm edhe dy vjet në kontratën e tij prej 70 mijë eurosh në javë.

Spurs janë të gatshëm të hapin bisedime me mesfushorin 25-vjeçar dhe kjo vjen në mes të interesit për Eriksen nga kampioni i Italisë.

Ndryshe, danezi ka luajtur 23 herë në Ligën Premier këtë sezon – duke u paraqitur në çdo ndeshje për skuadrën e Mauricio Pochettinos.

Lexo po ashtu Barcelona rreshtohet pas Eriksenit

Për yllin danez interesim gjatë verës kishte shprehur edhe Barcelona, por me transferimin e Philippe Coutinhos nga Barcelona vështirë se do kthehen pas tij.

Në rast largimi, çmimi i tij besohet të sillet nga 80-100 milionë euro. /Telegrafi/