Juventusi e mund Interin edhe me moshë: Të dhënat të bujshme që dolën nga Derby d’Italia

Juventus mundi Interin edhe me moshën që kishte në derbi: të dhënat tregojnë një kontrast të madh midis dy skuadrave.

Në ndeshjen Juventus-Inter 1-0, formacioni fillestar i Juventusit kishte një moshë mesatare prej 25 vjet e 8 ditë – më e reja në 30 vitet e fundit kundër Interit.

Nga ana tjetër, Interi luajti me skuadrën me moshën mesatare më të lartë në tre dekadat e fundit: 30 vjet e 306 ditë.

Krahasimi i moshave

– Juventusi ka skuadrën e dytë më të re në Serie A këtë sezon, me një moshë mesatare prej 24.3 vjetësh.

– Interi, nga ana tjetër, ka skuadrën më të vjetër në ligë, me një moshë mesatare prej 29 vjetësh.

Zëvendësimet

– Thiago Motta (Juventus) solli lojtarë të rinj si Yildiz (2005), Cambiaso (2000) dhe Locatelli (1998), me një moshë mesatare zëvendësimesh prej 24 vjetësh.

– Simone Inzaghi (Inter) bëri ndërrime me lojtarë si Carlos Augusto (1999), Zielinski (1994), Correa (1994), Zalewski (2002) dhe Thuram (1997), me një moshë mesatare prej 27.8 vjetësh.

Formacioni fillestar i Juventusit

Di Gregorio (27), Weah (24), Gatti (26), Veiga (21), Savona (21), Thuram (23), Koopmeiners (26), Conceicao (22), McKennie (26), Nico Gonzalez (26), Kolo Muani (26).

Ndeshja dhe performanca

Derbi italian u fitua nga Juventusi falë një golit të Francisco Conceicaos. Në pjesën e parë, Juventusi vuajti nga papërvoja, duke u munduar të përballojë organizimin dhe personalitetin e Interit.

Megjithatë, në pjesën e dytë, Juventusi shënoi një rritje të dukshme në energji dhe performancë fizike, ndërsa Interi tregoi shenja të qarta të lodhjes. Kjo ndryshim në dinamikë ishte një faktor vendimtar në fitoren e Juventusit. /Telegrafi/