“Jo fjalë, na duhen vepra” – Diego Simone kërkon përmbysjen përballë Interit

Atletico Madrid do të tentojë të përmbysë humbjen 1-0 ndaj Interit në ndeshjen e parë të fazës së 1/8-tave në Ligën e Kampionëve, dhe në Metropolitano të sigurojë biletën për në çerekfinale.

Kryeqytetasit spanjoll u mposhtën javë më parë nga Interi në Itali me rezultat minimal 1-0 falë një goli nga Marko Arnautovic në pjesën e dytë.

Në konferencën për shtyp, trajneri i spanjollëve Diego Simeone, u shpreh se është momenti për t’u hakmarrë.

Lexo po ashtu “Ishte ndeshja që donim, besoj se mund ta rikthejmë” – Simeone i bindur në Atleticon e tij

“Tani nuk është koha për t’u marrë me fjalë, na duhen veprat. Kam besim absolut te lojtarët e mi, jam i bindur se do të bëjmë një ndeshje të madhe”.

“Inter është për momentin një nga skuadrat më të mira, por është koha për hakmarrje”, tha Simone.

❝El Inter es uno de los mejores equipos de Europa❞.

— Diego Pablo @Simeone 🎙 pic.twitter.com/yh172bv1Ji

— Atlético de Madrid (@Atleti) March 12, 2024

Tutje trajneri argjentinas  zbuloi se Antoine Griezmann është rikuperuar dhe do të jetë normalisht në fushë.

“Duhet shumë përqendrim. Na kënaq rikthimi i Griezmann pasi na shton opsionet në sulm, nuk ka rëndësi rezultati i ndeshjes së parë, por rëndësi kanë vetëm 90 minutat e së mërkurës”, u shpreh Simeone. /Telegrafi/