ITSHKSH organizon seminarin ndërkombëtar “Figura e tjetrit në kulturën ballkanike”
Në Institutin e Trashëgimisë Shpirtërore dhe Kulturore të Shqiptarëve- Shkup u mbajt dita e parë e edicionit të dytë të Seminarit Ndërkombëtar të Ballkanologjisë me temë “Figura e tjetrit në kulturën ballkanike”, në të cilën me punimet e tyre shkencore u prezantuan studiues nga vendi dhe Ballkani.
Me prurjet e tyre origjinale dhe autentike studiuesit trajtuan aspekte të ndryshme të prezantimit të tjetrit në gjuhësi, letërsi, folklor, narrativin historik, librat shkollorë të lëndëve të ndryshme mësimore dhe mbi debatin për funksionimin e multikulturalizmit dhe interkulturalizmit në shoqëritë shumë-etnike, shumë-kulturore, shumë-gjuhësore dhe shumë-fetare në vendet e Ballkanit.
Në kuadër të konferencës shkencore fjalë përshëndetëse mbajti edhe kryeministri i vendit, Zoran Zaev, i cili kumtoi vendimin e Qeverisë së Maqedonisë së Veriut që punonjësve shkencorë të instituteve shkencore publike tu paguhet puna e kaluar apo vitet e stazhit, që ka qenë një problem i pazgjidhur vite me radhë. Poashtu kryeministri kumtoi vendimin për rritjen e pagave të punonjësve shkencorë për 25 %. Konferencën e përshëndetën edhe ministri i Arsimit dhe Shkencës, Arbër Ademi dhe ai i Kulturës, Hysni Ismaili.
Në fjalën e tij drejtori i Institutit të Trashëgimisë Shpirtërore dhe Kulturore të Shqiptarëve, Skender Asani u shpreh “Nëse ju flas për titullin e seminarit, do të më lejoni të shpreh kënaqësinë që Instituti i Trashëgimisë Shpirtërore e Kulturore të Shqiptarëve mund të jetë ndoshta institucioni i vetëm shkencor në vend që ka studime të këtilla të ballkanologjisë dhe që mund të jetë i vetmi që është i hapur për Tjetrin, qoftë kjo si qasje intra, por edhe si qasje inter.
Në institutin tonë gjejnë vend komunitetet më të vogla religjioze, si hebrenjtë, por edhe elementi katolik e protestant, që po ashtu janë të paktë për nga numri, por të mëdhenj për nga veprat. Në të vërtetë, Sektori i Lidhjeve të Ndërsjella Kulturore, Historike e Gjuhësore ndërmjet shqiptarëve dhe maqedonasve me popujt e tjerë është krijuar pikërisht për të kërkuar e për të gjetur gjuhë dhe kanale komunikimi me tjetrin si përkatësi etnike dhe si përkatësi religjioze në vendin tonë. Për neve diversiteti është pasuri. Vetëm në saje të tjetrit ne e njohim veten. E, duke jetuar në një shoqëri multientike dhe multireligjioze dhe duke vepruar në kryeqendrën multietnike të Ballkanit, ne dëshirojmë të jemi flamuri i këtij i komunikimi dhe, qoftë edhe utopike, ne duam të besojmë se megjithatë Ballkani nuk është vetëm gjeografi e njohur për nga konfliktet, por është një djep në të cilin u përkund qytetërimi perëndimor”.
Më tej Asani u shpreh se “Duke besuar në këto vlera dhe në këto parime, ne mendojmë se edhe përkushtimi jonë, përveç deklarativ dhe politik nga shteti, gjë që tashmë po bëhet, do të duhet të dëshmohet edhe përmes këtyre aktiviteteve shkencore. Saga ballkanike e akademik Luan Starovës dhe Gjuhësia ballkanike e akademikut Shaban Demiraj janë metafora të asaj që synon të jetë instituti në mjedisin tonë ballkanik”.
Studiuesit Zeqirija Ibrahimi dhe Sevdail Demiri promovuan edicionin e parë të revistës “Ballkanologjia I”.
Seminari i Ballkanologjisë organizohet me financimin e Ministrisë së Kulturës së Maqedonisë së Veriut.
Në kuadër të konferencës shkencore artistët Ermal Mehmeti dhe Jeta Starova Mehmeti prezantuan program artistik./Telegrafi/
Promo
Reklamo këtuLufta Prigozhin - Putin
Më shumëNga Rubrika
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
“Intimidimi i gazetares”, deputeti Dimal Basha reagon pas kritikave të AGK-së dhe RTK-së
Ditët e fundit të fushatës për zgjedhjet kuvendare, partitë vazhdojnë me premtime
Rusët i futen tregut të pronave në Shqipëri, zyra biznesi në zonat bregdetare
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Mbyllja e bastoreve u hapi rrugë lulëzimit të bizneseve në të zezën
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Basha në podkastin e Alice Taylor: Shqipëria në drejtimin e gabuar, qëndron më afër Serbisë se Kosovës
Në Gjakovë zbulohet monumenti i Skënderbeut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City