Inzaghi nuk e shikon si problem De Vrijn: Besoj tek ai

Trajneri i Lazios, Simone Inzaghi, është duke bërë maksimumin për të fokusuar skuadrën e tij para ndeshjes kundër Crotones.

Tekniku italian nuk sheh ndonjë arsye për mos t’i besuar Stefan de Vrij, që na sezoni i ri me shumë mundësi do të jetë pjesë e Interit.

“Jemi përgatitur mirë të përballemi me një stadium me plotë entuziazëm, por ne nuk jemi vetëm, edhe tifozët tonë do të jenë aty”, ka thënë Inzaghi në konferencën për media.

“Kemi pasur një fushat të jashtëzakonshme për të qenë këtu dhe të përballemi me klubet tjera me në buxhet ndryshe për një vend në Ligën e Kampionëve. Kemi vendosur rekord për fitore si mysafirë dhe gola të shënuar, nesër (e diel) do të jetë ndeshja e 54 dhe ne do jemi aty deri në fund”.

“Do të japim më të mirën në dy ndeshjet e mbetura”.

Ciro Immobile, Marco Parolo, Luis Alberto dhe Jordan Lukaku do të mungojnë ndaj Crotones, ndërsa Stefan Radu ka nevojë për një test fitnesi, kurse Lucas Leiva është një karton larg suspendimit.

Lexo po ashtu Interi arrin marrëveshje me De Vrij, depoziton kontratën e tij në federatë

Ndeshja e fundit e Lazios është ndaj Interit dhe pas raportimeve që Stefan de Vrij dhe zikaltrit kanë arritur marrëveshje transferimi për sezonin e ri dhe tifozët kanë kërkuar që holandezi mos të luajë në ndeshjet e mbetura.

“Nuk jam i shqetësuar me De Vrij, pasi e di se çfarë njeriu dhe profesionisti është ai. Jam i sigurt se ai do ta nderojë fanellën dhe tregojë respekt për tifozët, klubin dhe bashkëlojtarët”.

“Ai ishte shumë i lumtur në tre vite. Mendoj se jam i treguar shumë i qartë, nuk ndryshon asgjë për mua”, ka shtuar Inzaghi. /Telegrafi/