Interi me plan konkret për transferimin e Kumbullës, ofron shumën e kërkuar nga Verona dhe dy futbollistë

Marash Kumbulla mund t’i bashkohet Interit gjatë afatit kalimtar të verës.

Mbrojtësi shqiptar është njëri nga mbrojtësit qendror më të vlerësuar në Serie A, falë paraqitjeve fantastike këtë edicion me Hellas Veronën.

Juventus, Napoli, Inter, Lazio, Chelsea, Manchester United, Borussia Dortmund e Real Madrid kanë shprehur interesim për shqiptarin.

Sipas asaj që kanë raportuar mediat italiane më së afërmi për të nënshkruar me shqiptarin është Interi.

Neroazzurët janë gati ta plotësojnë dëshirën e Veronës për t’i ofruar 20 milionë euro për Kumbullën, por edhe huazimin e dy futbollistëve.

Inter pritet ta lë për huazim edhe një vit tjetër te Verona sulmuesin Eddie Salcedo si dhe ta dërgojë edhe mbrojtësin anësor Federico Di Marco.

Zikaltërtit synojnë që të nënshkruajnë edhe me Jan Vertonghen, por nëse një gjë e tillë ndodhë atëherë do ta huazojnë Kumbullën për një vit te Verona.

Veronës i pëlqen kjo ofertë që ta ketë edhe një vit tjetër në radhët e veta shqiptarin, por mbetet të shihet nëse Kumbulla do të pranojë një gjë të tillë. /Telegrafi/