Eden Hazard po i kalon momentet e fundit si lojtar i Chelseat, pasi thuhet se pas finales së Ligës së Evropës do të transferohet te Real Madrid, që është një ëndërr për belgun.

Me largimin e yllit belg nga skuadra londineze, numri 10 në fanellë do të jetë i lirë, por jo edhe për shumë gjatë, pasi Callum Hudson-Odoi dëshiron ta marrë atë.

Sipas L’Equipe, sulmuesi do të prezantohet te madrilenët menjëherë pas finales së Ligës së Evropës, ku Chelsea dhe Arsenal do të përballen më 29 maj në Baku të Azerbajxhanit.

Callum Hudson-Odoi (Foto: Warren Little/Getty Images/Guliver)

Belgu do të jetë një humbje e madhe për Blutë e Londrës, por që Hudson-Odoi shihet si zëvendësuesi ideal i 28-vjeçarit, duke marrë parasysh formën që tregoi në këtë sezon.

Të gjitha lajmet nga Eden Hazard Të gjitha lajmet nga Eden Hazard

E ardhmja e talentit anglez ishte fillimisht në dilemë, pasi Bayern Munich bëri katër oferta në afatin e janarit, por që të gjitha ishin refuzuar nga Chelsea, ndërsa ai tani do ta marrë numrin 10-të në fanellë.

Ndryshe, Odoi deri më tani për skuadrën angleze ka pasur vetëm 12 paraqitje gjersa nuk ka arritur të shënojë ndonjë gol. /Telegrafi/