Hertha Berlin do të vazhdoj të mbetet në Bundesliga, së paku edhe një edicion tjetër.

Skuadra nga kryeqyteti gjerman ka arritur të fitoj ndeshjen e ‘Play-Out’-it përballë Hamburgit në Volksparkstadion me rezultat 0-2.

Në fakt ishte kjo ndeshja e kthimit, pasi në të parën Hamburg që përfundoi e treta në Bundelsiga 2 kishte arritur fitore të madhe në kryeqytet te Hertha me rezultat minimal 0-1.

Vetëm pas katër minutash lojë, berlinasit shënuan golin e parë, kur pas asistimit nga Plattenhardt qendërmbrojtësi belg Boyata realizoi për 0-1.

Me epërsinë minimale të mysafirëve u mbyllën 45 minutat e para të kësaj sfide.

Hertha vazhdoi dominimin edhe në pjesën e dytë, kur pasi kaluan një orë lojë shënuan edhe golin e dytë në këtë sfidë.

Asistuesi i golit të parë, Plattenhardt kësaj radhe shënoi për t’i dhënë Herthës një fitore të madhe, fitore që i siguron qëndrimin në elitën e futbollit gjerman edhe për sezonin 2022/23.

Hamburg nga ana tjetër i mbetet të punojë më shumë për tu rikthyer në Bundesliga, pasi do të luaj në sezonin e katërt radhazi në Bundesliga 2. /Telegrafi/