Manchester City i Pep Guardiolas pritet të jetë edhe më i fortë dhe më i frikshëm në sezonin e ri 2021/22, pasi do të ketë transferime të reja në verë.

Nëse Manchester City merr atë që dëshiron këtë verë, sezoni i ardhshëm mund të duket veçanërisht i frikshëm nga kampionët në pritje të Anglisë.

City është në prag të fitimit të titullit kampion dhe Pep Guardiola po tregon të gjitha shenjat e një njeriu që nuk dëshiron ta shohë asnjë sezon pa trofe.

Për të arritur këtë, City janë të vendosur të ‘zhyten’ edhe një herë në ‘merkato’  dhe dy objektiva kanë përfunduar në krye të listës së prioriteteve.

Sipas Sportsmail, Erling Haaland edhe Jack Grealish shihen si të domosdoshëm për Cityn, ndërsa Guardiola përgatitet të riformojë formacionin titullar dhe të shtojë një injeksion të të rinjve.

Haaland ‘rrëzon’ Messin nga prioriteti numër 1 një i transferimeve të Man Cityt Haaland ‘rrëzon’ Messin nga prioriteti numër 1 një i transferimeve të Man Cityt

Riyad Mahrez, Ilkay Gundogan dhe Kevin De Bruyne do të jenë të gjithë 30 vjeç para se të fillojë sezoni i ardhshëm, që do të thotë se City ka njërin sy në moshën mesatare të skuadrës që rritet vazhdimisht.

Fatmirësisht për Guardiolan, shumë nga yjet janë ende në krye të lojës së tyre, ndërsa shpresohet që një kontratë e re të mund të finalizohet me De Bruyne në muajt e ardhshëm për të siguruar vitet e tij më të mira në Etihad.

Me ardhjen e mundshme të dyfishtë të Haaland dhe Grealish, sidoqoftë, City do të ishte një forcë e bezdisshme për çdo kundërshtar.

Guardiola do të paraqitet me një larmi mënyrash për t’i përfshirë ata në skuadrën e tij, ndërsa Sportsmail hodhi një vështrim më të afërt se çfarë do të sillnin Haaland dhe Grealish në formacionin e Cityt. /Telegrafi/