LAJMI I FUNDIT:

Grupi i parë i pilotëve ukrainas diplomohet në trajnimin amerikan për F-16

Grupi i parë i pilotëve ukrainas diplomohet në trajnimin amerikan për F-16

Grupi i parë i pilotëve ukrainas janë diplomuar nga trajnimi amerikan për F-16, ka njoftuar një zyrtar i Gardës Kombëtare të Arizonës, SHBA.

“Shumë pilotë ukrainas janë diplomuar nga kursi i trajnimit F-16 në krahun 162 të Gardës Kombëtare Ajrore në Tuscon, Arizona”, tha zëdhënësi i Gardës Kombëtare të Arizonës, Erin Hannigan.

Krahu 162 është njësia e trajnimit të Forcave Ajrore të SHBA-së për pilotët e huaj.

Hannigan nuk pranoi të tregonte se sa pilotë u diplomuan ose kur, duke e përmendur sigurinë operacionale.

Por, bëhet e ditur se disa pilotë ende janë duke u trajnuar në SHBA, shkruajnë mediat e huaja, përcjell Telegrafi.

Siç raportohet, Garda Kombëtare planifikon të trajnojë gjithsej 12 pilotë ukrainas për F-16 deri në fund të vitit 2024.

“Ne po mendojmë për trajnim më afatgjatë, kështu që disa nga kërkesat janë zhvendosur”, tha kreu i Gardës Kombëtare Ajrore, gjenerali Michael A. Loh, duke theksuar se trajnimi mund të zgjasë më shumë sesa është planifikuar.

E nevojën e Ukrainës për trajnimin e pilotëve dhe për furnizim me F-16 e ka bërë të ditur edhe vetë presidenti ukrainas, Volodymyr Zelensky.

“Ne kemi nevojë për të paktën 120, 130, aeroplanë për të rezistuar në qiell”, tha Zelensky duke iu referuar F-16.

SHBA-ja do të njoftojë një tjetër paketë ushtarake për Ukrainën
Lexo po ashtu SHBA-ja do të njoftojë një tjetër paketë ushtarake për Ukrainën

Ndryshe, vitin e kaluar, SHBA-ja dhe vendet e Evropës Perëndimore zhvilluan programe për trajnimin e pilotëve.

Këto programe po koordinohen nga një koalicion i aftësive të forcave ajrore të Grupit të Kontaktit të Mbrojtjes së Ukrainës që drejtohet nga Danimarka, Holanda dhe SHBA-ja.

Norvegjia, Danimarka, Holanda dhe Belgjika janë zotuar t’i ofrojnë Ukrainës F-16, lëvizje kjo që kërkon miratimin e presidentit amerikan, Joe Biden. /Telegrafi/

Në trend Botë

Më shumë
Çfarë tha Stoltenberg teksa theksoi se NATO është në bisedime për t’i vënë armët bërthamore në gjendje gatishmërie?

Çfarë tha Stoltenberg teksa theksoi se NATO është në bisedime për t’i vënë armët bërthamore në gjendje gatishmërie?

Botë
Si dhe pse përplasen tufat e shpendëve me aeroplanët?

Si dhe pse përplasen tufat e shpendëve me aeroplanët?

Botë
Shpërthim i madh në qytetin rus

Shpërthim i madh në qytetin rus

Evropa
Komandanti i Forcave Ajrore ukrainase publikon pamje nga aksioni i pilotëve të tyre - i quan “fantazmat e Kievit”

Komandanti i Forcave Ajrore ukrainase publikon pamje nga aksioni i pilotëve të tyre - i quan “fantazmat e Kievit”

Evropa
Autoritetet gjermane japin detaje rreth “konfiskimit më të madh të drogës së klasit A që Evropa ka parë ndonjëherë”

Autoritetet gjermane japin detaje rreth “konfiskimit më të madh të drogës së klasit A që Evropa ka parë ndonjëherë”

Botë
E kishte nxjerrë për shëtitje në oborrin e Shtëpisë së Bardhë, qeni i presidentit amerikan kafshon një agjent të Shërbimit Sekret

E kishte nxjerrë për shëtitje në oborrin e Shtëpisë së Bardhë, qeni i presidentit amerikan kafshon një agjent të Shërbimit Sekret

Amerika
Kalo në kategori