Jo të gjithë e kanë guximin për të pranuar gabimet e tyre, por Olivier Thual e bëri këtë në rastin e një vendimi të diskutueshëm.
Gjyqtari i njohur i futbollit francez që përfundoi nën akuzë pas përjashtimit të Mario Balotelit pas dy kartonëve të verdhë, bëri një hap pas duke pranuar se kishte gabuar në ndëshkimin e dytë që nxori sulmuesin e Nices jashtë lojës.
Sulmuesi që ka rilindur në rivierën franceze ishte heroi dhe fytyra tragjike e Nices në fitoren kundër Lorient. Por ndoshta protestat e opinionit sportiv francez dhe presioni mediave, mobilizuan gurët e duhur për të mbrojtur SuperMarion.
Fakt mbetet që gjyqtari pranoi gabimin dhe është gati të dëshmojë para Komisionit Disiplinor, se kartoni ndaj Balotelit ishte i ekzagjeruar.
Pascal Garibian drejtor i gjyqtarëve tha se gjyqtari kryesor kishte njohur mangësitë e tij dhe se rriten kështu shanset për largimin e dënimit.
Të enjten në mbrëmje do të merret një vendim zyrtar por ndërkohë, Nice po llogarit SuperMarion në formacionin e radhës.
