Pas pesë vitesh si trajner i Juventusit, Massimiliano Allegri po largohet me pesë tituj të Serie A. Biacconerët të zhgënjyer me trajnerin, pasi nuk arriti ta fitonte Ligën e Kampionëve edhe pse dy herë ishin në finale.

Trajneri 51-vjeçar ka fituar poashtu edhe katër Kupa të Italisë, por Zonja e Vjetër është duke e kërkuar me ngulm triumfin në garën më të madhe në Evropë për klube.

Ai kishte edhe njëri ndër lojtarët më të mirë në histori të futbollit, Cristiano Ronaldon, në sezonin që lamë pas, mirëpo nuk arritën që të shkonin më larg se çerekfinalja.

Mediat në Itali raportojnë se gjashtë kandidatë janë në listë për të zëvendësuar Allegrin te Juventusi:

Antonio Conte

Trajneri italian është aktualisht i papunë, që nga largimi në verën e kaluar nga Chelsea. Conte arriti ta fitonte Ligën Premier dhe FA Cup-në në dy sezonet e ij në Stamford Bridge.

Italiani në të kaluarën kishte drejtuar Juventusit, duke arritur t’i fitonte tre tituj radhazi të Serie A-së.

Jose Mourinho

Trajneri portugez është poashtu i papunë, pas shkarkimit nga Manchester United në fund të viti të kaluar.

Ronaldo i sugjeron Juventusit transferimin e Mourinhos Ronaldo i sugjeron Juventusit transferimin e Mourinhos

Mourinho është i njoftuar me Serie A-në, pasi në të kaluarën kishte drejtuar Interin, e që kishte arritur ta fitonte tripletën, që është suksesi i tij më i madh deri më tani në karrierë.

Maurizio Sarri

‘Sarriball’ funksionon…po vetëm në Angli jo. Trajneri italian po kritikohet shumë në Angli, andaj ai mund të shkarkohet nga Chelsea me të përfunduar ky sezon.

Sarri kërkon një vendim nga Chelsea rreth të ardhmes, pas interesimit të Juventusit Sarri kërkon një vendim nga Chelsea rreth të ardhmes, pas interesimit të Juventusit

Sarri ka arritur ta dërgojë skuadrën londineze në finale të Ligës së Evropës, duke i siguruar edhe vendin në Ligën e Kampionëve.

Mauricio Pochettino

Trajneri argjentinas ndër vite ka treguar se është njëri prej më të mirëve në pozitën menagjeriale, duke u bërë cak i disa skuadrave të mëdha evropiane.

Pochettino dëshiron të bëhet trajner i Juventusit Pochettino dëshiron të bëhet trajner i Juventusit

Pochettino thuhet se e dëshiron transferimin te Juventusi, por janë këta të fundit që do të vendosin nëse do ta transferojnë apo jo.

Simone Inzaghi

Trajneri aktual i Lazios që arriti në këtë sezon ta fitonte Kupën e Italisë, është duke u lidhur me një transferim te Juventusi në afatin kalimtar të verës.

Është për t’u menduar nëse një gjë e tillë mund të ndodhë, por që Izaghi ka treguar se është një trajner me një filozofi të bukur të lojës.

Pep Guardiola

I shumëkërkuari i klubeve të mëdha evropiane është në listën e Juventusit. Zonja e vjetër është duke tentuar ta bind trajnerin spanjoll që në verë të transferohet në Torino.

Guardiola takohet me drejtorin e Juventusit, por refuzon ta marr drejtimin e ‘Zonjës së Vjetër’ Guardiola takohet me drejtorin e Juventusit, por refuzon ta marr drejtimin e ‘Zonjës së Vjetër’

Guardiola tashmë njihet për lojën e tij të bukur, andaj skuadra italiane i dëshiron shërbimet e tij në afatin e verës. Spanjolli mund të largohet nga Manchester City, vetëm nëse pranon një pagë mbi 17 milionë euro (aq sa aktualisht fiton te Citizens).

/Telegrafi/