Real Madridi dhe Juventusi zhvillojnë ndeshjen kthyese çerekfinale të Ligës së Kampionëve për të vendosur skuadrën që do të luajë në gjysmëfinale të këtij edicioni.
Los Blancos fituan me rezultat 3-0 në Torino dhe janë favoritë absolutë për të vazhduar në fazën tjetër.
Në ndeshjen që zhvillohet në Santiago Bernabeu, skuadra nikoqire do ta ketë për qëllim mbrojtjen e rezultatit dhe do të përpiqet ta ndëshkojë kundërshtarin.
Bianconerët duhet ta bëjnë të pamundurën për ta përmbysur rezultatin e ndeshjes së parë, duke qenë se është një epërsi shumë e lartë dhe luajnë në një stadium mysafir.
Objektivi i Zonjës së Vjetër do të jetë loja ofensive dhe shënimi i sa më shumë golave për ta mbajtur gjallë shpresën deri në mbyllje të takimit.
(Foto: Twitter/JuventusFC)
Do të jetë një tjetër përballje taktikash ndërmjet trajnerëve Zinedine Zidane dhe Massimiliano Allegri.
Formacioni zyrtar i Real Madridit: Navas; Carvajal, Varane, Vallejo, Marcelo; Casemiro, Modric, Kroos; Isco, Bale, Cristiano Ronaldo.
Banka rezervë e Real Madridit: K Casilla, Benzema, Theo, Lucas V, Llorente, Asensio, Kovacic.
(Foto: Twitter/SB)
Formacioni zyrtar i Juventusit: Buffon; De Sciglio, Benatia, Chiellini, Alex Sandro; Khedira, Pjanic, Matuidi; D. Costa, Higuain, Mandzukic.
Banka rezervë e Juventusit: Szczesny, Lichtsteiner, Rugani, Asamoah, Marchisio, Sturaro, Cuadrado.
(Foto: Twitter/Juvefc.com)
/Telegrafi/
