Gjilani dhe Drita zhvillojnë derbin më të madh lokal në vend, në kuadër të javës së 30-të në Vala Superligën e Kosovës në futboll.
Katër javë para përfundimit të kampionatit, Drita është lider në tabelë më tri pikë më shumë se Prishtina, skuadër me të cilën po lufton për titull.
Objektivi i 'Intelektualëve' është triumfi, në mënyrë që ta vazhdojnë kryesimin e kampionatit të Kosovës duke mos i lejuar kryeqytetasit që t'u afrohen.
Gjilani nuk ka ndonjë objektiv, pos rivalitetit të madh me Dritën, prandaj do të përpiqet t'i shkaktojë telashe liderit.
Formacioni zyrtar i Dritës: Rexhepi, Musaj, Gërbeshi, Limani, Leci, Kuka, B. Shabani, Krasniqi, Fazliu, Xh.Shabani, Rexha.
Përcjellësi i parë i Dritës, Prishtina, këtë javë luan kundër Feronikelit. /Telegrafi/
