LAJMI I FUNDIT:

Fjetja me gojë hapur mund të ketë pasoja të përhershme, mjekët kanë paralajmëruar për këto ndryshime

Fjetja me gojë hapur mund të ketë pasoja të përhershme, mjekët kanë paralajmëruar për këto ndryshime

Kushtojini vëmendje mënyrës sesi fle fëmija juaj, goja e hapur gjatë gjumit mund të shkaktojë probleme

Më shumë se gjysma e fëmijëve flenë me gojë hapur, sipas një studimi të publikuar vitet e fundit.

Megjithatë, nëse frymëmarrja me gojë gjatë natës nuk zgjidhet në vitet e para të jetës, mund të lërë pasoja negative që do të zgjasin gjithë jetën.

Pjesa e jashtme e sistemit të frymëmarrjes, hunda, ka funksionin e ngrohjes, hidratimit dhe filtrimit të ajrit që hyn nëpërmjet vrimave të hundës, transmeton Telegrafi.

Nga ana tjetër, kur merr frymë me gojë, oksigjeni nuk kalon nëpër këtë trajtim të veçantë para se të hyjë në mushkëri.

Kjo në vetvete është tashmë një rrezik sepse më pas në mushkëri hyn ajri plot papastërti, i thatë dhe me temperaturë joadekuate.

“Frymëmarrja me gojë rrit rrezikun e infeksioneve virale ose bakteriale dhe ftohjeve të përsëritura”, thotë otorinolaringologia Alexandra Ordonez nga Brazili.

Nëse një fëmijë fle me gojë hapur, kjo do të ndikojë edhe në formimin e fytyrës së tij.

“Kockat e fytyrës nuk zhvillohen siç duhet, gjë që ndryshon fizionominë. Si rrjedhojë, fëmija mund të ketë faqe të varura, sy të trishtuar, rrathë të errët… Vetë harku dentar ndryshon. Kocka e nofullës (që mban dhëmbët e sipërm) është e mbyllur dhe shkon përpara. Dhëmbët nuk rriten siç pritej”, thekson otorinolaringologia dhe shton se mund të ketë disa ndryshime që prekin vetë organizmin.

Qafa përfundon e tërhequr, me mjekrën brenda, gjinjtë bëhen të lëshuar, ndërsa barku del jashtë”, përfundon doktori. /Telegrafi/