Me fjalë të ëmbla prindërore, Besi dhe Xhensila publikojnë fotografinë e parë me vajzën e porsaardhur në jetë

Këngëtarja e njohur Xhensila Myrtezaj dhe humoristi Bes Kallaku janë bërë sot (e enjte) prindër për herë të parë.

Këngëtarja Myrtezaj solli në jetë një vajzë, të cilën çifti e pagëzuan me emrin Ajka.

Ajka erdhi në jetë në një nga spitalet private, teksa vetëm disa orë pas lindjes, çifti kanë publikuar në rrjetin social Instagram një fotografi të ëmbël me të.

Bëhet fjalë për një imazh, ku shfaqen dy duart e çiftit të cilët prekin këmbën e vogël të vajzës së sapoardhur në jetë.

Në mbishkrimin e fotografisë, ata i kanë bërë një dedikim prekës të voglës, Ajka, duke i uruar mirëseardhjen në këtë jetë.

Xhensila ka përshkruar me disa fjalë të sinqerta momentin e sjelljes në jetë të vajzës, duke falënderuar stafin mjekësor, teksa ka lutur gjithashtu mediat që ta respektojnë privatësinë e saj.

“Kur morem vesh qe do vije ti, sa u lutem dhe falenderuam Zotin per kete bekim. Mire se erdhe Ajka e jetes tone. Te mbaj ne krahe, e ta ndjej frymen, edhe aromen, a thua se te gjitha lulet e kesaj toke jan mbledhur grusht tek gusha jote. Cfar ndjesie qenka te mbash krejt boten ne duar. O kenga ime, o poezia ime. Bej te miren edhe duaje veten. Per cdo te mire qe do besh, Zoti do shkurtoje distancen mes teje edhe Atij. Nuk me ka emocionuar asnje publik sa ty, un jam publiku yt ne fakt, duartrokas gjithcka tenden. Zoti qofte bariu yt. Ti do jesh lutja ime. Bes, zoti na bekoi te dyve me mè te shtrenjten dashuri. Un jam me fat qe te kam, me shume akoma qe ti je babi i Ajkes sone. Faleminderit gjithkujt qe u be pjese e ketij bekimi tonin. Spitalit Amerikan 2, stafit korrekt dhe te perkushtuar ne maksimum. Faleminderit suavinex_albania qe na mikluat me produktet tuaja. Doc. Genc Kabili qe pervec profesionalizmit, na e beri pritjen tone me te qete dhe me te embel. Flm Dr. Genci. Gjithashtu ruajtjen e qelizave staminale nga @Biosavetirana per te siguruar te ardhmen e shendetit te familjes . Ne te tre ju falenderojme. Perqafime. Xhensila, Besi dhe Ajka. PS: Ajka, edhe dicka, do shkruajn portalet per ty keto dite, i falenderojme por edhe i lutemi ta lene me kaq edhe te respektojne privatesine e cdo fotoje te dal pa miratimin tone. Flm”(sic.), ka shkruar Myrtezaj në Instagram.

https://www.instagram.com/p/BlI7iLPn8bV

Ndërkohë, bashkëshorti i saj Besi ka treguar në pstimin e tij, se edhe nga e mori frymëzimin për pagëzimin e vajzës me këtë emër.

“O lul’e bukur e gjakut tim. I gjithe kuptimi i jetes dhe i vetes, qenka jo me i madh se ti, jo me shum se 2 duart e mia, as me i rende se disa kg, sa e vogel bota, kaq sa ti qenka. Asgje si ty, asnjehere sja kam ndjere rendesin, vleren dhe plotesin jetes me shum se sot. Vendosem te te quanim AJKA. Babai yt, qysh i vogel mezi priste qe Ija te ziente qumeshtin dhe fshehurazi ti vidhte AJKEN, si shija me e mire e femijerise. Nena jote eshte “ajke” me vete. Eshte kujdesur aq shum per ty, eshte lutur aq shum edhe sa shum te ka kenduar kenge engjejsh. Nuk do t’kesh probleme ninullash me pak fjale. Edhe un do perpiqem, por un di ninulla vetem per Skiftera, me vjedhje zemrash, edhe per Baftjarin, por qe ti ske si ta njohesh. Ajka, ne jete jep sa me shum dashuri, nga bota jote, po vjen ne nje bote tjeter ku per kaq shekuj kemi bere vetem shpikje se si ta shkaterrojme edhe jo ta ndreqim. Ti nise kontributin tend duke ber gjithcka me dashuri, si forcen dhe energjine me te jashtzakonshme, prej saj erdhi edhe krijimi i qenies tende, dhe prej saj erdhi i gjithe krijimi i gjithckaje. Ndaje kafshaten e bukes me nevojtaret edhe mos jep vetem therrimet. Gjat jetes kam dashur te jap vetem buzqeshje tek te tjeret, por askush sme ka bo te qesh e t’qaj njekohesisht, askush si ti. Hera e pare qe jam publik, ti me bon te qesh vec sa levize doren, me bone te qesh edhe kur hape syt, me bone me qesh edhe kur po flije, kuptova qe un sja them humorit fare, kot e mbaj veten per te tille. Un edhe nena jote te premtojm me teper se sa dashuri. Nejse, do me duhet te bohem edhe çun Fushe-Kruje kur naj djale do guxoje te grricet me ty. Vendosem qe ti te lindje ketu n’Shqipni, ta duash vendin tend, mbase nuk do te t’ofroje aq sa duhet, por do t’flasesh gjuhen me hyjnore n’bote, gjuhen e Perendive, dhe gjuhen e Zotit, te paren, shqipen, pasurin me t’madhe te ketij kombi. Lutem per te gjithe ata qe me njohin dhe i njoh, qe Zoti ti bekoje me femije, sinqerisht. Ajka, ti nuk e ke idene sa t’lumtur jemi me ty, tani te lutem mundohu te na lesh te flem pak gjume. Amen. Zoti ju rujt. Bes & Xhensila Kallaku” (sic.), ka shkruar Bes kallaku në Instagram.

https://www.instagram.com/p/BlI6LKzgnc8

Përndryshe, komentet dhe urimet nga fansat e tyre të shumtë nuk kanë munguar në fotografitë e publikuara nga vet çifti. /Telegrafi/