Ndeshja finale në elitën e futbollit kosovar do të zhvillohet sot në Drenas mes Feronikelit dhe Prishtinës.

Lideri aktual Feronikeli do të presë Prishtinën në një takim ku do të vendoset për titullin e kampionit.

Klubi nga Drenasi ka lajmëruar se ka ende bileta në shitje dhe për pikën e tyre të shitjes.

“Ka mbetur edhe një sasi e kufizuar e biletave për ndeshjen e sotme mes Feronikelit dhe Prishtinës. Deri në ora 12:00, biletat do të shiten në pikën e zakonshme Restaurant “Dijamant”, në Drenas”.

“Kurse pas orës 12:00 do të vazhdojë shitja e tyre edhe para dyerve të stadiumit. Lusim shikuesit që të vijnë me kohë në stadiumin “Rexhep Rexhepi”, pasi që dyert e stadiumit mbyllen një orë para fillimit të ndeshjes, pra në orën 15:00”, thuhet në njoftimin e klubit nga Drenasi.

Ndeshja derbi mes Feronikelit dhe Prishtinës zhvillohet me fillim nga ora 16:00. /Telegrafi/