Trajneri i Milanit, Gennaro Gattuso, i ka dhënë përparësi një lëvizjeje për mesfushorin e Manchester Unitedit, Marouane Fellaini.

Fellaini mbetet pa kontratë në fund të këtij muaji dhe është gati të largohet nga Unitedi pas pesë sezoneve të kaluara në Old Trafford.

Transferimi si futbollist i lirë e ka bërë Fellainin një emër të nxehtë dhe po kërkohet nga shumë skuadra të njohura.

Gattuso: Milani do të nënshkruaj me një mesfushor dhe një alternativë të Susos Gattuso: Milani do të nënshkruaj me një mesfushor dhe një alternativë të Susos

Njëra ndër to është ajo italiane, Milani, që e sheh mesfushorin belg si shumë të rëndësishëm për sezonin e ri.

Fellaini është shumë i kërkuar këtë verë (Getty Images)

Sipas mediumit Corriere della Sera, trajneri Gattuso e ka shtyrë bordin e klubit për të bërë një ofertë për Fellainin, por kërkesat e belgut me ato të Milanit ende nuk po përputhen.

Veterani po kërkon 10 milionë euro për të nënshkruar për Milanin dhe kjo e ka  habitur drejtorin sportiv të Rossonerëve, Massimiliano Mirabelli.

Milani mendon për goditje të dyfishtë, Depay dhe Fellaini afër Rossonerëve Milani mendon për goditje të dyfishtë, Depay dhe Fellaini afër Rossonerëve

Mirabelli ka paralajmëruar Gattuson se asnjë marrëveshje nuk do të ndodhë nëse Fellaini nuk i heq dorë nga kushtet e tij.

Mesfushori 30-vjeçar belg gjithashtu ka oferta edhe nga Besiktas, Juventusi dhe Paris Saint-Germain. /Telegrafi/