Fejohet Noah Cyrus

Noah Cyrus zbuloi se ajo dhe i dashuri i saj, Pinkus, u fejuan fshehurazi në fillim të këtij muaji.

Këngëtarja e “Jully”, 23 vjeçe, njoftoi lajmin emocionues në Instagram të hënën, duke thënë se “asnjëherë nuk është ndjerë më e dashuruar”.

“Momenti më i madh i gjithë jetës sime ishte të thosha ‘po’ për të kaluar pjesën tjetër së bashku”, shkroi ajo në një karusel me foto.

“Ky muaj i kaluar i të qenit i fejuari juaj dhe i të qenit në botën tonë të vogël të vetëm ne të dyve ka qenë kaq i përsosur dhe do të doja që të mos mund të largohesha kurrë”.

Lexo po ashtu Të gjitha lajmet nga Noah Cyrus

“Ai është ‘personi më i talentuar, më besnik [dhe] më i sjellshëm’”, shtoi mes tjerash artistja.

“Jam shumë e emocionuar të kaloj këtë jetë me ty, jeta jonë e deritanishme është një jetë që nuk e kam menduar kurrë se e meritoja apo do ta jetoja. Nuk e mendoja kurrë se do të prisja me padurim të jetoj aq sa mezi pres të jetoj me ty…do të të thosha “po” çdo ditë për pjesën tjetër të jetës sime”.

Pinkus la të kuptohet për fejesën e tyre një ditë më parë duke postuar një foto të Cyrus duke ecur në pistën e Marine Serre.

Ndërsa është e paqartë se sa kohë kanë dyshja bashkë, ata dolën publikisht me romancën e tyre në prill.

Para lidhjes me Pinkus, Noah ishte në lidhje me Lil Xan madje u përfol edhe për Demi Lovaton. /Telegrafi/

View this post on Instagram

A post shared by Noah Cyrus (@noahcyrus)