Edhe pse është në garë me të, Nadal dëshiron që Messi ta fitojë çmimin Sportisti i Vitit

Rafael Nadal e ka mbështetur fituesin e Kupës së Botës, Lionel Messi, për ta fituar çmimin prestigjioz Sportisti i Vitit përpara tij, pavarësisht se fitoi Grand Slamin e 22-të në vitin e kaluar.

Dy sportistët në vitin 2022 arritën suksese të jashtëzakonshme, me tenistin që triumfoi si në Australian Open ashtu edhe në French Open, derisa futbollisti më në fund fitoi trofeun e vetëm që mungonte në sirtarin e tij, me Argjentinën në ‘Katar 2022’.

Çmimi për Sportistin e vitit nga Laureus është një çmim vjetor që nderon arritjet individuale nga bota e sportit. Ai u dha për herë të parë në vitin 2000 si një nga shtatë çmimet përbërëse të paraqitura gjatë ‘Laureus World Sports Awards’. Së fundmi këtë trofe e ka fituar kampioni i Formula 1, Max Verstappen.

👀 ICYMI…here’s a reminder of all of the Nominees for the 2023 Laureus World Sports Awards

🏆 The Laureus Academy Members will select our winners but which of these incredible names would get your vote?#Laureus23 pic.twitter.com/pLi7QyPddh

— Laureus (@LaureusSport) February 20, 2023

Nadal – një tifoz i madh i Real Madridit – ka thënë se nuk mund të ketë tjetër fitues këtë vit, pos superyllit të Paris Saint-Germainit, Leo Messi.

Lexo po ashtu Pesë destinacione për Lionel Messin nëse largohet nga Paris Saint-Germain

“Është një nder që jam nominuar sërish për Sportistin e Vitit nga Laureus. Por… këtë vit… përpara Leo Messi, ti e meriton atë”, ka shkruar legjenda e tenisit në Instagram. /Telegrafi/