Cristiano Ronaldo është shpallur futbollisti më me ndikim në Instagram që do të luajë sivjet në Kupën e Botës.
Sulmuesi i Manchester United ka 480 milionë ndjekës në platformën e rrjeteve sociale gjegjësisht në Instagram - më shumë se çdo lojtar tjetër që do të luajë në Katar.
Postimet e tij individuale gjithashtu vlejnë më së shumti, me çdo postim që vlen deri në 3.1 milionë funte apo 3.5 milionë euro.
Foto: Getty Images
Analiza është bërë nga kompania e statistikave ‘Nielsen Gracenote’, e cila ka vlerësuar numrin total të ndjekësve të lojtarëve, rritjen e ndjekësve në vitin e fundit, shkallën e angazhimit dhe vlerën mesatare të markës për postim në Instagram.
Numri i ndjekësve të Ronaldos është rritur me pothuajse 47 për qind gjatë vitit të kaluar dhe ka një përqindje angazhimi prej 2.25 për qind në postime.
Superylli portugez po vazhdon të mposhtë rivalin e tij afatgjatë, Lionel Messin, i cili ka 360 milionë ndjekës dhe një vlerë postimi individual prej 2.3 milionë funtesh apo 2.6 milionë euro.
Të tjerët përfshirë Neymar (178 milionë ndjekës) dhe Kylian Mbappe (72.5 milionë) renditen në vendin e tretë dhe të katërt, me të dy postimet e tyre individuale arrijnë vlerë pak më shumë se 1 milion funte apo 1 milion euro.
Në top 10 ndodhet sulmuesi brazilian Vinicius Junior - i cili shënoi golin e fitores në finalen e Champions League sezonin e kaluar - ka pasur rritjen më të madhe të ndjekësve me 89.69 për qind, ndërsa francezi N'Golo Kante gëzon përqindjen më të madhe të angazhimit prej 11.18 për qind.
Mesfushori i Chelsea, Kante është në fakt i vetmi lojtar i Premier League që hyn në top 10.
Ai gjendet në pozitën e tetë, pak përpara shokut të skuadrës franceze Paul Pogba, i cili ka më shumë ndjekës, por një normë më të vogël rritjeje, përqindje angazhimi dhe vlerë për postim.
Foto: EPA
Rritja e Ronaldos theksohet nga fakti se 86 për qind e tifozëve të Portugalisë vijnë nga jashtë vendit - përqindja më e madhe në top 10.
Në këtë mes janë publikuar edhe vendet më të popullarizuara në Kupën e Botës në Instagram.
Vendet renditen si në vijim:
Franca Brazili Portugalia Anglia Argjentina Meksika Gjermania Spanja Maroko Holanda. /Telegrafi/
