Këngëtarja shqiptare e famshme ndërkombëtarisht, Dua Lipa, është duke e shijuar nga afër festivalin “Sunny Hill”.

Edhe pse këtë vit nuk do të performojë, ajo po argëtohet mjaft shumë në prezencën e artistëve të tjerë, të cilët po sjellin performanca të mahnitshme.

Mbrëmë (e shtunë), në natën e dytë të festivalit, 23-vjeçarja ishte shfaqur e mbuluar me flamurin kombëtar, teksa kërcente nën ritmet e valles së shotës me reperin G4shi.

Më pas, këto momente të paharruara Dua nuk ka ngurruar t’i ndajë edhe me miliona fansat e saj.

“Disa net ju duhet të ngriheni dhe t’iu tregoni njerëzve se sa shqiptarë jeni në të vërtetë”, ka shkruar ajo në postimin e publikuar në Instagram.

Dua dhe G4shi e ndezin atmosferën duke vallëzuar me këngë shqipe në “Sunny Hill” Dua dhe G4shi e ndezin atmosferën duke vallëzuar me këngë shqipe në “Sunny Hill”

Kujtojmë që sonte është nata e fundit e “Sunny Hill”, ku pritet të performojë ylli botëror, Calvin Harris. /Telegrafi/

https://www.instagram.com/p/B0vd93RFw5i