Paulo Dybala ka folur sot me trajnerin e Romës, Jose Mourinho, por pavarësisht se ata i kanë ofruar kontratën më të mirë, ai ende po pret Napolin dhe mbi të gjitha Interin.

La Joya është lojtar i lirë pasi Juventusi tërhoqi ofertën për zgjatjen e kontratës dhe lejoi që marrëveshja e tij të përfundojë më 30 qershor.

Ai dukej se ishte në prag të nënshkrimit për Nerazzurrët, por Interi mori Romelu Lukakun në huazim nga Chelsea, ndërsa tani duhet ta largojë Alexis Sanchezin para se të sjellin dikë tjetër.

Kjo i ka dhënë Romës dhe Napolit mundësinë që të depërtojnë me propozimet e tyre, ndërsa mediat italiane shkruajnë se Giallorossi kanë bërë propozimin dhe i kanë ofruar pagën më të lartë nga secili prej kandidatëve.

Reklama
Reklama

La Stampa shkruan se Mourinho foli drejtpërdrejt me Dybala me telefon sot për të bindur argjentinasin që të zgjedhë “Olimpicon”.

Megjithatë, ata nuk janë në Ligën e Kampionëve, ndaj Dybala pritet të presë Napolin dhe mbi të gjitha Interin për të bërë kundëroferta. /Telegrafi/