Dua Lipa me paraqitje mjaft të ekspozuar në vizitën zyrtare te kryeministri Edi Rama

Këngëtarja shqiptare me renome botërore, Dua Lipa, ka qëndruar në Shqipëri gjatë këtyre dy ditëve.

E shoqëruar nga familja dhe i dashuri i saj, Anwar Hadid, 25-vjeçarja ka vizituar kryetarin e Bashkisë së Tiranës, Erion Veliajn, dhe Kryeministrin e Shqipërisë, Edi Rama.

Me këtë të fundit, ajo është takuar në një vizitë zyrtare të enjten, gjersa ka pranuar nga ai si dhuratë përmbledhjen e tij të veprave artistike, me titullin “Edi Rama: Work”.

Dua për këtë rast kishte zgjedhur të vishte një kostum ngjyrë pjeshkë, teksa në pjesën e hapur të dekoltesë, ajo kishte veshur një reçipetë të zezë të shoqëruar me disa rripa.

View this post on Instagram

A post shared by DUA LIPA (@dualipa)

Kjo veshje e cila duket të jetë mjaft e ekspozuar për një takim zyrtar, nuk ka kaluar pa u komentuar nga fansat në rrjetet sociale, të cilët e kanë këshilluar këngëtaren që në takime të tilla, të zgjedhë veshje më serioze.

Lexo po ashtu Duke iu drejtuar kandidatëve për Kryetar të Prishtinës, ironizon Dukagjin Lipa: 'Zyrtarizoj' kërkesën time për inspektor ndërtimi

Kujtojmë që një kritikë të ngjashme muaj më parë e kishte marrë bashkëshortja e këngëtarit të famshëm botëror, Justin Bieber, Hailey Bieber, e cila në takimin e çiftit me Presidentin e Francës, Emmanuel Macron, ajo kishte veshur një fustan mjaft të hapur te pjesa e sipërme.

Dua ka treguar se është shumë e lumtur që ndodhet në Shqipëri me familjen e saj, ku nga afër vizituan edhe të ashtuquajturin “Sunny Hill Kindergarten”, i cili po ndërtohet në qendër të Tiranës me ndihmën e fondacionit të Duas në Kosovë, “Sunny Hill Foundation”. /Telegrafi/

View this post on Instagram

A post shared by Dukagjin Lipa (@dukagjinlipa)