Dua Lipa i dhuron një puthje pasionante të dashurit, para se të publikojë disa imazhe të ëmbla me familjarët e saj në periudhën festive

Ata kanë qenë bashkë që nga qershori, pas ndarjes së saj nga ish-i dashuri, Isaac Carew.

Dua Lipa dukej më e dashur se kurrë me të dashurin Anwar Hadid teksa ndau me ndjekësit në Instagram një fotografi të çiftit, ku shiheshin duke u puthur me pasion, shkruan DailyMail.

Këngëtarja 24 vjeçe, ishte duke shijuar qartë sezonin festiv, pasi ajo më vonë ndau një imazh me familjen e saj, pasi ata shijuan një darkë të këndshme në New York.

Dua dukej sportive e veshur me një jelek ngjyrë blu dhe xhinse të bardha ndërsa u përkul për një puthje me të dashurin e saj 20 vjeçar.

Ndërsa ajo më pas ngarkoi në InstaStory një fotografi të ëmbël të vetes dhe familjes së saj, ndërsa ata kaluan ca kohë cilësore së bashku gjatë periudhës së Krishtlindjes.

Krijuesi i hitit “One Kiss” buzëqeshi gjerësisht ndërsa u ul mes mamasë, babait, vëllait dhe motrës.

Këngëtarja e hitit “New Rules” dhe Anwar filluan lidhjen e tyre në fund të qershorit, menjëherë pas ndarjes së Duas nga i dashuri i pesë vjetëve të kaluara, kuzhinieri dhe modeli Isaac Carew, 33 vjeç, në fillim të atij muaji.

Dua publikoi këngën e saj më të re “Don’t start now” muajin e kaluar, dhe ajo shpjegoi se si këngët e reja të albumit kanë të bëjnë me një kapitull të ri në jetën e saj. /Telegrafi/