Charlie Gilmour, djali i adoptuar i kitaristit të “Pink Floyd”, David Gilmour, merret me gazetari dhe jeton në Londër me gruan dhe laraskën e tij.

BBC Three është duke xhiruar një dokumentar për 27-vjeçarin, të cilin e ka quajtur “Njeriu që jeton me laraskën”.

Laraska është bërë pjesë e jetës së tij

Shpendi i pazakonshëm e ka frymëzuar Charlien që të hapë edhe kafenenë e parë për laraska në botë.

Ai madje i ka hapur laraskës së tij edhe profil në rrjetin social Instagram.

I frymëzuar nga laraska me emrin Benzene, Charlie e ka hapur kafenenë e parë për laraska

“Është shpendi im i vogël, mirëpo në njëfarë mënyrë ka arritur që të përfshihet në gjithë jetën time”, ka thënë Charlie duke shtuar se përpiqet ta trajtojë si foshnje dhe e ushqen me krimba, të cilët ia jep me dorë.

“Ne lahemi bashkë… (Laraska) është shumë e ndjeshme. Para mbrëmjes vjen dhe më ulet në prehër ose në sup dhe fillon të nxjerrë zëra të ëmbël”, ka deklaruar ai. /Telegrafi/

Charlie Gilmour dhe legjenda e “Pink Floyd”, David Gilmour (The Guardian)