Xhudistja jonë, Distria Krasniqi ka fituar edhe ndeshjen çerekfinale dhe atë gjysmëfinale në Grand Prixin e Zabrebit dhe është kualifikuar tashmë në finalen e madhe.

Kampionia olimpike nga Kosova ka fituar pa telashe edhe ndeshjen e tretë për ditën e sotme në garën që po mbahet në kryeqytetin kroat.

Fillimisht, Distria ishte dominuese në takimin e parë ndaj Sofia Asvesta, të cilën e mposhti me ‘ëaza-ari’, ndërsa në raundin e dytë, pejania arriti të mposht me ‘ippon’ xhudisten zvicerane, Binta Ndiaye në kategorinë deri në 52 kilogramë.

Distria kualifikohet në çerekfinale në Grand Prixin e Zagrebit Distria kualifikohet në çerekfinale në Grand Prixin e Zagrebit

Pas këtyre dy fitoreve, Distria kaloi në çerekfinale, ku pati punë me xhudisten nga Mongolia, Khorloodoi Bishrelt.

Reklama

Edhe në këtë përballje, xhudistja jonë ishte e papërmbajtshme duke e mposhtur mongolezen me ‘ippon’.

Pas kësaj fitore, Distria kaloi në gjysmëfinale ku pati punë me izraeliten Gefen Primo, të cilën gjithashtu e mposhti me ‘waza-ari’.

Reklama

Tani pejania ka siguruar medaljen me këtë kalim në fitore, por sigurisht që do të luftoj për të artën.

Në finale, Distria do të ndeshet me japonezen Uta Abe. /Telegrafi/