Detajet e marrëveshjes së komplikuar të transferimit të Abraham te Roma

Detajet financiare të transferimit të Tammy Abraham te Roma janë analizuar – 40 milionë euro plus bonuset dhe klauzola e riblerjes nga Chelsea për 80 milionë euro nga viti 2023, por vetëm pesë milionë euro paguhen tash.

23-vjeçari i ka kaluar ekzaminimet mjekësore gjatë fundjavës dhe e ka nënshkruar kontratën, por është dashur të kthehej në Londër për të përfunduar dokumentacionin për vizë dhe për leje të punës.

Sipas Sky Sport Italia, detajet e marrëveshjes së komplikuar janë bërë të ditura dhe tregojnë se si ia kanë dalë Giallorossët ta transferojnë lojtarin.

#Roma, le cifre finali dell'operazione #Abraham https://t.co/wcG1GMJ1iI

— Gianluca Di Marzio (@DiMarzio) August 16, 2021

Çmimi total i transferimit është 40 milionë euro plus bonuset e lidhura me performancën e sulmuesit anglez.

Lexo po ashtu Abraham duhet të kthehet në Londër pas transferimit te Roma

Chelsea do të përfitojë vetëm pesë milionë euro këtë verë, 20 milionë euro të tjera deri në verën e vitit 2024 në këste të ndryshme, si dhe 15 milionë euro të tjera në sezonin 2024/2025.

Klubi anglez e ka ruajtur opsionin e riblerjes së Abraham për 80 milionë euro, por është valid vetëm nga korriku i vitit 2023.

Paga vjetore e lojtarit pritet të jetë 4.5 milionë euro neto, por kjo ndodh falë ligjeve tatimore të Italisë që synon sjelljen e talentëve të rinj (meqenëse Roma do të paguajë bruto vetëm 5.8 milionë euro për pagën e tij). /Telegrafi/