LeBron James ka treguar forcën e tij në dy ndeshjet vendimtare të skuadrës së tij.

Los Angeles Lakers u përballë me dy rivalët kryesorë për titull, Milwaukee Bucks dhe LA Clippers brenda dy ditëve dhe arritën dy fitore.

Në derbin e qytetit Lakers kanë triumfuar me nëntë pikë diferencë 112:103.

Dyshja LeBron James – Anthony Davis kanë shkëlqyer, ku ‘Mbreti’ realizoi 28 pikë, shtatë kërcime, nëntë asistime e dy bllokada, teksa Davis shtoi 30 pikë, tetë kërcime, dy asistime, dy topa të vjedhur dhe një bllokadë.

Me lojë të mirë u dallua edhe Avery Bradley që shënoi 24 pikë në këtë takim dhe kontribuoi me dy topa të vjedhur.

Paul George me 31 pikë dhe Kawhi Leonard me 27 të tjera ishin më efikasit te Clippers, por që nuk mjaftuan për fitore.

Me fitoret ndaj Bucks dhe Clippers, Lakers treguan që janë favoriti kryesor për ta fituar titullin e kampionit këtë edicion në NBA.

Falë kësaj fitore Lakers vazhdojnë të qëndrojnë bindshëm në pozitën e parë në Konferencën e Perëndimit me 49 fitore e 13 disfata, teksa Clippers janë në pozitën e dytë me 43 fitore e 20 humbje. /Telegrafi/

Rezultatet:

LA Clippers – LA Lakers 103:112

Minnesota Timberwolves – New Orleans Pelican 107:120

Boston Celtics – Oklahoma City Thunder 104:105

Phoenix Suns – Milwaukee Bucks 140:131

Dallas Mavericks – Indiana Pacers 109:112

Houston Rockets – Orlando Magic 106:126

Washington Wizards – Miami Heat 89:100

Cleveland Cavaliers – San Antonio Spurs 132:129

New York Knicks – Detroit Pistons 96:84

Sacramento Kings – Toronto Raptors 113:118