Ish- ylli i Barcelonës dhe Atletico Madridit, David Villa ka zbuluar se sa afër ishte për të nënshkruar për Arsenalin në të kaluarën.

38-vjeçari, i cili vari këpucët në gozhdë para disa muajve pas një karriere 19-vjeçare dhe 15 trofeve të fituar, bëri emër në Spanjë para se të luante në ShBA dhe Japoni.

Por, mund të ishte shumë ndryshe nëse një lëvizje e propozuar nga Arsenali do të materializohej pas bisedimeve me menaxherin Arsene Wenger.

Zyrtare: David Villa pensionohet nga futbolli Zyrtare: David Villa pensionohet nga futbolli

Ish-sulmuesi, i cili ishte duke luajtur për Barcelonën në atë kohë, ka zbuluar së fundmi këtë histori.

“Ne ishim në shumë takime dhe kishte shumë thirrje. Ndjeja 90 për qind në atë moment që do të shkoja te Arsenali dhe Arsene Wenger”, ka thënë fillimisht Villa për BBC Sport.

“Por, në atë moment ne nuk arritëm në marrëveshje, Atletico Madridi arriti dhe brenda tre ose katër ditësh rregulloi gjithçka”.

Goal.com zgjedh formacionin e dekadës te Barcelona, Neymar mbetet jashtë Goal.com zgjedh formacionin e dekadës te Barcelona, Neymar mbetet jashtë

“Nuk e di se çfarë do të ndodhte nëse do të nënshkruaja për Arsenalin”.

“Jam shumë i lumtur që kam nënshkruar për Atleticon, jo vetëm për fitimin e ligës, por për gjithçka. Jam shumë i lumtur që bëra atë zgjedhje”, përfundoi spanjolli. /Telegrafi/