Cristiano Ronaldo është shpallur nga Globe Soccer Awards si lojtari më i mirë i shekullit.

Ylli portugez është nderuar për karrierën e tij që ka bërë nga vitit 2001 deri në vitin 2020.

35-vjeçari ka luajtur për klube si Sporting Lisbona, Manchester United, Real Madridi dhe aktualisht te Juventusi, duke fituar trofe të shumtë.

Pesë herë fituesi i Topit të Artë po ashtu ka shijuar suksese edhe me kombëtaren e Portugalisë, derisa ka rrëmbyer çmimin e më të mirit nga kompania nga Emiratet e Bashkuara Arabe.

Në anën tjetër, Robert Lewandowski është nderuar si lojtar i viti, pas sukseseve të mëdha që kishte me Bayern Munichun në edicionin e kaluar, duke fituar tripletën.

Sulmuesi polak e mbylli sezonin si golashënuesi më i mirë në top pesë ligat evropiane, po ashtu edhe në Ligën e Kampionëve. /Telegrafi/