Chris Rock ka folur gjerësisht për herë të parë për goditjen me shuplakë nga Will Smith gjatë “Oscars”, pothuajse një vit nga skandali që tronditi miliona njerëz në mbarë botën.
“Të gjithë e dinë, po, ndodhi, unë u godita me shuplakë një vit më parë – u godita nga një maskara”, tha Rock.
“Dhe njerëzit thonë, ‘A dhemb?’ Ende dhemb. Kam një tingëllim që më kumbon në vesh”, tha tutje ai.
Rock u shfaq i lodhur dhe i frustruar ndërsa foli për Smith në fund të shfaqjes së tij “stand-up Selective Outrage”, e cila u transmetua drejtpërdrejt në Netflix nga Teatri Hippodrome në Baltimore të shtunën mbrëma (4 mars).
Gjatë ceremonisë së “Oscafrs” të vitit të kaluar, Smith, i cili fitoi atë natë çmimin për ‘aktorin më të mirë’, goditi Rockun në mes të transmetimit live pasi ai bëri shaka për gruan e Smith, Jada Pinkett Smith, që kishte një kokë tullac për shkak të alopecisë, transmeton The Guardian.
Pasi i bërtiti Rockut nga vendi i tij, Smith doli në skenë për t’i goditur atë me shuplakë në fytyrë. Komediani më vonë nuk pranoi të ngrinte akuza.
Rock bëri disa komente në emisionin e tij të ri për njerëzit që kërkojnë vëmendje duke e klasifikuar veten si viktima, por tha: “Unë nuk jam viktimë. Nuk do të më shihni kurrë tek Oprah apo Gayle duke qarë. Nuk do të ndodhë kurrë… E mora atë goditje si [boksieri Manny] Pacquiao”.
“Para së gjithash, e di që nuk mund ta dallosh në kamera, por Will Smith është dukshëm më i madh se unë. Ne nuk jemi të njëjtën madhësi. Will Smith bën filma me këmishën e hequr. Nuk më ke parë kurrë të bëj një film me këmishën time të hequr. Jam në një film duke bërë një operacion në zemër të hapur, kam veshur një pulovër”, shtoi Rock.
“Will Smith luajti Muhamed Ali në një film. Mendoni se kam bërë një audicion për atë pjesë? Ai luajti Muhamed Aliun, unë luajta Pookie në New Jack City”, tha me shaka komediani.
Rock zbuloi tutje se shuplaka kishte frymëzuar emrin e shfaqjes së tij.
“Will Smith praktikon zemërim selektiv. Të gjithë e dinë se çfarë ka ndodhur. Dhe të gjithë e dinë me të vërtetë se unë nuk kisha asnjë lidhje me atë. Nuk kam pasur asnjë ‘ngatërrim’”, tha ai, duke iu referuar përshkrimit të Pinkett
Smith për lidhjen që ajo kishte me reperin August Alsina kur ishte e martuar me Smith.
Pinkett Smith e bëri pranimin direkt tek Smith në një episod të shfaqjes së saj në internet, “Red Table Talk”.
“Gruaja e tij kishte marradhënie seksuale me mikun e djalit të tij. Unë normalisht nuk do të flisja për këtë, por për disa arsye … ata e folën këtë në internet. Nuk e di pse dy njerëz të talentuar do të bënin diçka kaq të ulët”, tha Chris.
“Të gjithë këtu janë mashtruar. Asnjëri prej nesh nuk është intervistuar ndonjëherë nga personi që na tradhtoi live në televizion… Ajo e lëndoi atë shumë më shumë sesa ai mua”, tha Rock, duke shtuar se ai u përpoq të telefononte Smithin më pas për t’i “i dhënë atij ngushëllimet e tij, por ai nuk e hapi.
“E doja Will Smith, e doja gjatë gjithë jetës, ai ka bërë disa filma të mrekullueshëm. Unë jam rrënjosur për Will Smith gjithë jetën time”, u shpreh 58-vjeçari.
Ai tha se nuk u hakmor atë natë “sepse kisha prindër. Sepse u rrita. Dhe e dini se çfarë më mësuan prindërit e mi? Mos u zini para njerëzve të bardhë”, tha ai, duke hedhur mikrofonin në tokë për t’i dhënë fund emisionit.
Smith ka folur vazhdimisht për shuplakën që nga ajo kohë, duke i kërkuar falje publike Rockut të nesërmen në Instagram.
“Isha jashtë linjës dhe gabova. Jam i turpëruar dhe veprimet e mia nuk ishin tregues i burrit që dua të jem”, kishte shkruar Smith.
Muaj më vonë, ai tha se kishte kontaktuar me Rock, por “ai nuk është gati të flasë”. /Telegrafi/
Lufta Prigozhin - Putin
Më shumëNga Rubrika
Becky G dhe Anitta mahnitin me dukjet e tyre në tapetin e kuq në “Latin American Music Awards 2024”
Nuk hoqi dorë kurrë nga ëndrra, avokatja 60-vjeçare shpallet “Miss Universe Buenos Aires”
Ish-presidentja kroate Kolinda Grabar-Kitarovic merr vëmendjen me çantën 3000 euroshe të “Louis Vuitton” në një event
U hodh në gjyq, Olsi Bylyku "godet" Top Channel: Ikonat si Arbana, Alban Dudushi iu larguan - gjersa kolegët në TV Klan kanë ndërtuar perandori
Një takim mes Massimilianos dhe Heidit në Big Brother VIP Albania 3? Veprimi i ish-partnerit të saj në Grande Fratello ngre dyshimet
Dua Lipa duket e lumtur në krahët e të dashurit të saj, ndërsa fotografohen bashkë në një darkë në New York City
Romeo dhe Heidi shijojnë bashkë çaste intime në suitën private, në Big Brother VIP Albania
Ish-presidentja kroate Kolinda Grabar-Kitarovic merr vëmendjen me çantën 3000 euroshe të "Louis Vuitton" në një event
Betejë me Top Channel, Olsi Bylyku thirret përpara Gjykatës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre